طرح المطرب الشاب فريد أغنية جديدة عبر قناته الرسمية على موقع الفيديوهات الشهير “يوتيوب” وكافة المنصات الموسيقية المختلفة، والتي حملت اسم “نفس النهايات”.
وتعاون فريد مع الملحن تيام علي في أغنية “نفس النهايات”، وهي من كلمات أدهم معتز، توزيع تيام طارق وميكس وماستر جورج يعقوب.
كلمات أغنية فريد الجديدة نفس النهايات
وجاءت كلمات أغنية فريد الجديدة نفس النهايات كالآتي:
نفس النهايات، عمالة تتعاد، ماضي بيتكرر قدامي و بيعيد نفسه، و كأن الجرح مفيش غيري اللي يحسو
نفس الموضوع،قلبي الموجوع، ولا حاجة اتعلق بيها غير لازم يفارقها، أحلام بتروح و سنين من عمري بتسرقها
وبلف دواير مقفولة، مين قال النسيان بسهولة، دة وجع و مرار
الحب نصيب لكن بُعدنا ده بيبقى قرار، احساس بالخنقة و الوحدة، بالليل بعد اتناشر، واحدة، أو قبل ما انام، تفكير وجراح رافضة تمشّيني خطوة لقدام
أنا شوفت كتير، وبقول اهو خير، ماهو لو كان ليا نصيب فالحاجة كانت كِملت
أنا راضي خلاص، ماهو كل محاولاتي اتعملت
يمكن قدام، متشالة أيام، على نفس هوايا وزي ما عشت أنا برسمها
ربنا ليه حكمة في كل الحاجة اللي قاسمها
آخر أعمال فريد
والجدير بالذكر أن آخر أعمال فريد طرحه أغنية “بإمارة مين” عبر يوتيوب، والتي حققت نجاح كبير عبر مواقع التواصل الاجتماعي، وتخطت حاجز الـ100 مليون مشاهدة على يوتيوب، وهي من كلمات مصطفى ناصر، ألحان تيام علي، توزيع تيام طارق وميكس وماستر مهاب أسامة.