حلت الفنانة هند عاكف ضيفة على برنامج “نص الكلام” مع الإعلامية رغدة شلهوب والذي يعرض عبر قناة “النهار” للحديث معها عن كواليس حفل افتتاح مهرجان القاهرة السينمائي الدولي في دورته الـ44، كما ستطرق في الحديث عن بعض الفنانات في الوسط الفني.
ويرصد لكم موقع صباح مصر تصريحات هند عاكف في برنامج “نص الكلام” مع رغدة شلهوب.
تصريحات هند عاكف مع رغدة شلهوب
كشفت الفنانة هند عاكف عن رأيها في عدد من الفنانات المتواجدات على الساحة الفنية، وذلك من خلال فقرة الصور المختارة، وعرض عليها صورة للفنانة روبي والفنانة رانيا يوسف لتقول رأيها فيهما وقالت: “رانيا يوسف أفضل في تقديم الإغراء”.
ومع عرض صورة للمخرج خالد يوسف والمخرجة إيناس الدغيدي قالت: أحب رؤية خالد يوسف الإخراجية.
واعتبرت هند عاكف الاختيار بين محمد هنيدي ومحمد رمضان أمرًا محيرًا، لكنها فى النهاية اختارت محمد هنيدي متذكرة تعاونهما معا في أعمال فنية عديدة، كما اختارت منى زكي لتكون الأفضل في جيلها.
وتحدثت خلال اللقاء عن أزمتها في حفل افتتاح مهرجان القاهرة السينمائي، وقالت باكية على فيديو منعها من دخول المهرجان: “ينفع الكلام ده لفنانة مصرية بتشتغل وهي عندها 4 سنين، أنا كان معايا دعوة مش منهم من زميل مش هذكر اسمه، قالي أنا شفت الفيديو بتاعك وأنتي عاوزة تروحي المهرجان هبعتلك دعوتي وطلب مني مبلغش حد أني أخدت الدعوة علشان لو بعتولي يديها لحد تاني”.
وتابعت: “يوميها أنا نازلة من البيت معايا الدعوة أنا مش ههين نفسي، أنا دمعتي نزلت دلوقتي عشان صعبان عليا تاريخي وتاريخ عيلة عاكف اللي أنا شايلاه طول عمري، لما وصلت معرفش الدعوة كانت فين وقولت استحالة يحصل مشكلة أنا ليا تاريخ وليا وضعي حتى لو بعدت شوية”.
كما عاتبت هند عاكف الفنان حسين فهمي كرئيس للمهرجان قائلة: “المفروض حضرتك كنت بلغت الإدارة والمنظمين أن لو حصل مشكلة على الريد كاربت نحلها إزاي، لو فنانة جاية بيتها وجاهزة يقولولها اتفضلي”.