مفيش أحلى من ريحة الثوم والخل.. طريقة عمل الفتة المصرية لسفرة غداء عيد الأضحى

طريقة عمل الفتة المصرية، الفتة المصرية من الأطباق التقليدية اللي لا غنى عنها على سفرة غداء عيد الأضحى وتعتبر من أشهر الأكلات اللي بتحضرها أغلب البيوت المصرية والعربية في المناسبات خصوصًا بعد ذبح الأضحية، وكل بلد بتقدم الفتة بطريقتها الخاصة ونكهتها المميزة لكن الفتة المصرية تتميز بطابع خاص يجعلها مفضلة لدى الكثير، تجمع بين الأرز الأبيض، والخبز المحمص، وصوص الطماطم بالثوم، ومرقة اللحمة اللي بتديها طعم غني ومميز.

طريقة عمل الفتة المصرية

إليكم طريقة عمل الفتة المصرية:

المكونات:

• 2 كوب أرز مصري مغسول ومصفى
• 1 رغيف خبز بلدي محمص أو مقلي (مقطع مكعبات)
• 4 فصوص ثوم مفروم
• 2 ملعقة كبيرة خل أبيض
• 2 ملعقة كبيرة سمن أو زبدة
• 2 كوب مرقة (لحم أو دجاج)
• ملح وفلفل حسب الرغبة
• 1 كوب عصير طماطم
• 3 فصوص ثوم مفروم
• 2 ملعقة كبيرة خل
• 1 ملعقة كبيرة سمن
• رشة كمون
• ملح وفلفل حسب الرغبة

طريقة التحضير:

• في قدر على النار أضيفي قليل من السمن ثم ضعي الأرز وقلبيه دقيقة.
• أضيفي 2 كوب ماء وملح ودعيه يغلي.
• خففي النار وغطي القدر واتركيه حتى ينضج.
• قطعي الخبز مكعبات صغيرة ثم حمريه في الفرن أو اقليه في الزيت حتى يصبح مقرمشًا.
• في مقلاة سخني ملعقة سمن وأضيفي الثوم المفروم وقلبيه حتى يصفر.
• أضيفي الخل الأبيض واتركيه يغلي لمدة دقيقة.
• خذي جزءًا من هذه الخلطة لاستخدامها في الفتة مباشرة والباقي استخدميه في صلصة الطماطم.
• في نفس المقلاة أضيفي عصير الطماطم إلى الثوم والخل.
• تبلي بالملح والفلفل والكمون.
• دعي الصلصة تغلي حتى تتكثف.
• في طبق التقديم، ضعي طبقة من الخبز المحمص، واسقيها بقليل من المرقة.
• ضعي فوقها طبقة من الأرز.
• ثم أضيفي صلصة الطماطم على الوجه.
• يمكن إضافة بعض اللحم المسلوق أو المفروم على الوجه حسب الرغبة.
• زيني بقليل من صلصة الثوم والخل المتبقية.