وجه حازم إمام نجم الزمالك ومنتخب مصر الاسبق رسالة لقناتى الاهلى والزمالك عبر برنامجه وان تو على أذاعة أون سبورت مطالباً إياهم بالهدوء والابتعاد عن التعصب ، وقال الثعلب الصغير : ” اللى بيحصل بين الاهلى والزمالك مينفعش ، أتمنى أن يكون فى هدوء وكلام فى الكورة بعيداً عن التراشق لان الموضوع مبقاش كورة خالص ، وقناة الاهلى والزمالك راحوا لوضع سيىء للغاية” .
ويضيف حازم إمام : “ياجماعة أنتو كبار ومش عايزين تعصب ، برشلونة وريال مدريد عندهم قنوات مبتعملش كدا خالص، انتو أهم ناديين فى الوطن العربى والناس عينها عليكو دايماً ، والقنوات عندها حاجات كتير تتكلم فيها بدون أزمات أو خناقات ، عندكو نجوم وأساطير وتاريخ ممتد لأكثر من 100 سنة اتكلموا عنهم “.
وتابع نجم الزمالك الاسبق : ” الاهلاوية عمرهم ماهيقتنعوا برأى الزمالك والعكس صحيح ، يبقى لازم الكبار يتدخلوا لان اللى بيحصل بيقلل مننا مش بيزودنا”.